Fir Iech unzemelle kënnt dir ganz einfach iwwert eisen Internetsite Är Formule "Tarte Flambée à volonté" bestellen. Dir kënnt sur Place aus verschidde Variante (och Vegetaresch) vun der Tarte Flambée auswielen, an daat esou laang bis dir genuch hutt. 

Ausserdem bidde mir eng grouss Auswiel u regionale Wäiner, Béier a Softdrinks un. D'Gedrénks ka sur Place bezuelt ginn. (Boer, Payconiq, Kredit- & Debitkaart).

Ëffentlechen Transport

Beim Guiden- a Scoutschalet steet eng limitéiert Unzuel u Parkplaaze fir Persoune mat ageschränkter Mobilitéit zru Verfügung. Mir géifen Iech allerdéngs bieden, sou wäit wéi méiglech op den ëffentlechen Transport zréckzegräifen, oder mam Velo oder ze Fouss op eist Eventement ze kommen. 

Mir wëllen drop hiweisen, dass e befestegten a beliichten Treppelwee vun der Cité Buschland (via Parking CEFOS) bei eise Scoutschalet féiert. Beim Chalet stinn ausserdem Méiglechkeeten zur Verfügung, de Velo ofzestellen.

Den nächste Busarrêt ass Remich Corniche, hei fiert d'Buslinn 413 (Mondorf, Luxembourg-Gare Centrale) fort. 

Weider Informatiounen zur Buslinn fannt dir ënnert Mobilitéit.lu.

D'Réimecher Guiden a Scoute sëtze sech fir Nohaltegkeet an éng méi propper Emwelt an. Aus dësem Grond probéiere mir, eisen ekologesche Foussofdrok sou kléng wéi méiglech ze haalen, an eist Evenement sou nohalteg wéi méiglech ze gestalten. Eist Evenement gouf dofir mam Logo "Green Events" ausgezeechent. Heiduerch wëlle mir eist Engagement fir eng méi propper Emwëlt ënnersträichen.

Waat mir konkret dofir maachen